Andrea Irurzun koreografo nafarrak garatuko duen DNA lehen ikerketa laborategia abian da
Ekimena DNA programaren eta Atalak proiektuaren arteko lankidetzatik sortu da
Andrea Irurzun nafarroako koreografoak, DanzAIko zuzendariak, hasiera emango dio martxoaren 13an Dantzagunean egingo den DNA ikerketa laborategiari.
DNA ikerketa laborategia Atalak mugaz gaindiko dantza proiektuaren eta Kultura Zuzendaritza Nagusia - Vianako Printzea Erakundeak antolatutako DNA Nafarroako Dantza Garaikidearen programa artistikoaren arteko lankidetzaren ondorioz sortu da.
Taldeko ikerketa lan honekin, Andrea Irurzunek Erre al cubo proiektua zabaldu ahal izango du DNA 2022 programaren egoitzan garatua Noaingo Kultur Etxean. Murriztu, Berrerabili, Birziklatu erregelan oinarritutako proiektuan koreografoak estetika, giro plastiko eta minimalista eta/edo modernista berriak bilatzen ditu, mugimenduan nahiz eszenan aplikatuz sor daitezkeenak.
Horretarako, Andreak ikerketa koreografikoko aste bat izango du Dantzaz (Atalak) taldeko hamar interpreterekin batera, eta bertan konpainia ugariago bat izateko aukerak esperimentatuko ditu.
Ikerketa laborategia amaitutakoan, Andrea Irurzunek lan hori erakutsiko du Biarritzeko kontserbatorioan, martxoaren 25ean, 16:30ean, Regards Corisés jaialdiaren barruan.
