Andrea Irurzunen bitartekotza-jarduera. Sare sozialei eta dantza garaikideari buruz ikasten

Bitartekotza-jarduera DNA´20 programako egonaldi artistikoen barnean dago. Kasu honetan, Andrea Irurzunen egonaldiaren eta “Re-Des” bere lanaren barnean. Jarduera honen xedea da lana ulertzen laguntzea eta hura sustatzea, eta bai gai honekin lotutako ezagutza sakonak lortzea ere. 

Andrea Irurzunek eta Iria Lumbreras kideak ez zieten huts egin bertaratu zirenei, eta, gehien-gehienak dantzaren arloarekin lotura dutenak izanik –hip-hopa, hiri-dantza, beste zentro batzuetako ikasleak–, dantza garaikideko ezagutzak, mugimenduak eta inprobisazioa landu zituzten. 

Eta horren ondoren, solasaldi batean, sare sozialei buruz hitz egin zuten, haien erabilerari buruz eta nola bihurtu etorkizun. Gaiaren gaineko orientazio pedagogiko batekin, Andreak eta Iriak azaldu zuten zeinen garrantzitsua den sareak sen onarekin erabiltzea.  Andreak aholkatu zuen sareak zentzuzko eran erabiltzea, etorkizun bihurtzea. “Erabil ditzagun, baina ez gaitzatela haiek gu erabili… Argi eta garbi erabaki behar da zer igo eta zer ez”, adierazi zuen. 

Eta sare sozial erabilienen gainean, parte-hartzaile gazteenek adierazi zuten Instagram eta Tiktok direla, eta helduagoek, Whatsapp.