Dínamo Danzak bere UAGZ-CACHeko egoitzaren lehen partea amaitu du

Dínamo Danza konpainiak egoitza artistikoa burutu zuen ekaineko bi astetan Uharteko Arte Garaikide Zentroan, DNA Sorkuntza 2019 programaren barruan.

Egoitza horretako talde nuklearra Carmen Larraz Dínamo Danza konpainiaren zuzendariak, Patxi Araujo ikus-entzunezko artista plastikoak, Hilario Rodeiro perkusio jotzaile eta konposatzaileak, eta Bertha Bermúdez dokumentalista eta laguntzaile artistikoak osatu dute. Horiekin bat egin dute Patricia de la Fuentek, Martxel Rodríguezek eta Fernando Varelak, dokumentazio prozesuan lagunduz, eta baita Rafa Arenasek, ikus-entzunezko dokumentazioan lan eginez eta David Pérez Villanuevak bitartekaritza laguntzaile gisa.

Lana aurrera eramateko prozesuan, taldeak elektromagnetismoaren eta argiaren arteko erlazioa aztertu du, eta baita espazioa onartzeko dugun modua eta afektazio horiek gugan duten eragina ere. “Ikerketako lehen fasea baino ez da, eta bertan, zein ibilbidek funtzionatzen duten aztertu dugu”, adierazi du Carmen Larrazek.

Dínamo Danza konpainiaren zuzendariak adierazi duenez, oraindik ez dute emaitza zehatzik bilatzen, “sortzen ari diren jarraibide baliozkoak berreskuratzea eta ekipoa toki interesgarri baterako bidean gidatzea”, baizik. Egoitza horretan, bitartekaritza jardueren barruan deialdi irekian gonbidaturiko hamabi dantzarik hartu dute parte. Dínamo Danzak abuztuaren 12tik 24ra jarraituko du bere egoitza, eta abuztuaren 24an UAGZ-CACHen bertan ikus-entzuleei eskainiko zaien erakusketa irekiarekin emango dio amaiera lanari.