Egonaldiak
LURRIK GABE - IXA
“Lurrik gabe” hiru interpretatzailerentzako dantza garaikideko obra bat da. Piezak Boschen Atseginen baratzea obrako iruditeria hartzen du esparru kontzeptual gisa, baina ez da kontakizun moral edo erlijioso gisa ulertzen, baizik eta gorputz kolektiboaren, desioaren, gehiegikeriaren eta aurkako estatuen elkarbizitzaren metafora handi gisa. Boschen triptikoa -paradisua, lorategia eta infernua- irakurketa garaikide eta lurraldekoa egiteko erabiltzen da hemen, non Nafarroako paisaiek dramaturgia fisiko eta sinboliko gisa funtzionatzen baitute: Gorputza paisaia bihurtzen denean.
INFORMACIÓN
Uztailaren 6tik 30era. Zizur Nagusiko Kultur Etxea
THRESHOLD- Idoia Rodríguez
“Threshold” obrak erabakiaren aurreko unea ikertzen du; gorputzaren atalase horretan, mugimendua jada zehaztuta dago, baina oraindik ez da kontzientea. Olatuen mugimendu eliptikoaren eredu fisikotik abiatuta, ikerketak metaketa-, kolapso- eta itzulera-sistema gisa proposatzen du gorputza, eta agentziaren eta determinismoaren arteko tentsioa arakatzen du bizi- eta gizarte-testuinguru garaikideetan. “Benetan libreak gara, ala gure mugimenduak, erabakiak eta itzulerak erabakitzen dituzten kanpoko, barruko eta egiturazko indarrek baldintzatzen gaituzte ezinbestean?”
INFORMAZIOA
Abuztuaren 24tik irailaren 4ra 14 - 25 de septiembre – Irailaren 14tik 25era
Iortia Kultur Gunea, Altsasu
A MI MANERA - Amelia Álvarez
Proiektu honen bitartez, bere ingurua utzi eta dantzari izateko ametsa bete nahi duen nerabe baten bizi- eta emozio-ibilbidea aztertzen da. Gorputzaren bitartez, dantzak haren bidean utzi dituen unerik ilunenak zein argitsuenak erakusten dizkigu obrak. “A mi manera” ibilbide eszeniko gisa egituratzen da; hainbat eszenak osatzen dute, zeinek elkarrekin hitz egiten baitute askotariko gorputz-hizkuntzen bitartez. Hizkuntza bakoitza bizi-, emozio- eta harreman-egoera jakin bati lotuta agertzen da, eta sortzaileak zeharkatutako etapa guztien gorputz-artxibo gisa funtzionatzen du.
INFORMAZIOA
Abuztuaren 3tik 28ra. Harriondoa Kultur Etxea, Lesaka
CUERPOS QUE SOSTIENEN- Saioa Lara
“Cuerpos que sostienen” dantza garaikideko ikerketa -eta sorkuntza-proiektua da, eta sostengu fisiko, emozional eta komunitarioaren kontzeptua aztertzen du mugimenduaren, kontaktuaren eta gorputzari entzutearen bitartez. Galdera hau da proiektuaren abiapuntua: nola agertzen dira gorputzean sostengua emateko eta jasotzeko ekintzak Nafarroakoaren moduko gizarte -eta lurraldetestuinguru zehatz batean? Proiektu honetan, eguneroko esperientzien, harremanen eta memoria kolektiboen artxibo gisa ulertzen da gorputza.
INFORMAZIOA
Ekainaren 22tik - Uztailaren 17ra
Lodosako Kultur Etxea
